गपशप- बुद्धू कने तीसरे नामा री परेशानी

गपशप- बुद्धू कने तीसरे नामा री परेशानी

इक सीधा-साधा पहाड़ी था. तिसरा नाम था बुद्धू. सारे तिसजो छेड्दे रहंदे थे. भई बुद्धू भी कोई नां हा? तू कुछ होर ढंगा रा नां रख. बुधु तिन्हा रे ताणया गे परेशां होई गया.

एक दिन सै चली पेया ढंगा रे नाओं रि तलाशा पर. पहले तिसजो इक मुर्दयात्रा मिली गयी. तिन्ने पूछ्या कुण मरी गया. लोके बोल्या भई मरने वाले रा नां था अमरचंद. सै आगे चलदा रेहा.

अग्गे तिसजो इक झाडू देंदी जनानी मिली. तिन्ने नाम पूछ्या ता तिस्से बोल्या, “लक्ष्मी”. सै होर आगे गेया ता तिसजो इक भिखारी मिल्या. तिसरा नां था “धनपत राय”. अब बुद्धू जो अपणा जबाव मिली गेया.

हुण कोई तिसजो नावां रा ताणा देंदा ता सै जबाव देंदा:

अमर चंद सै मरी गया,
झाड़ू मारे लक्ष्मी,
धनपतराय लगिरा मंगणा भीक,
मेरा नां भाईओ बुद्धू ए ठीक!

Facebook Comments